Ақтау қаласынан оңтүстікке қарай 33 шақырым жерде, суға шомылуға жабдықталмаған аймақта 2003 жылы туған жас жігіт суға батып кетті, деп хабарлайды mangystaumedia.
Суға батқан жігітті іздестіруге өңірлік Төтенше жағдай департаментінен 15 құтқарушы, 5 техника, 4 жүзу құралдары және 2 дрон жұмылдырылған.
Сондай-ақ өзара іс-қимыл шеңберінде ҰҚК Шекара қызметі департаментінің Маңғыстау облысы бойынша 1 шағын күзет кемесі, 4 сүңгуір, 2 бірлік техника жұмылдырылған. Бұдан бөлек, ҚР ТЖМ «Қазавиақұтқару» АҚ ЕО-145 тікұшағы тартылған.
Іздеу жұмыстары барысында У.есімді азаматтың жағадан 90 метр ұзап кеткені анықталып, денесі 3 метр тереңдіктен табылды.
