Қарағанды-Балқаш тасжолында жантүршігерлік жол апаты болды. Мешіттің ашылу салтанына орай көкпар ұйымдастырылған. Жеңіспен оралған 3 көкпаршы қаза тапты, деп хабарлайды Qazaq.today агенттігі ZTB-ға сілтеме жасап.
Спортшылар мінген жүк көлігі өзге жүк көлігімен соғысып, 3 адам қаза тапты.
«Қарағанды облысындағы Қарғалы ауылында жаңа мешіт ашылу құрметіне ұйымдастырылған көкпар жарысынан жеңіспен қайтып келе жатқан спортшылар жол апатына ұшырады. Меркі көкпар командасының спортшылары Қарқаралыда өткен республикалық көкпар турнирінен соң жолға шыққан», — делінген ақпаратта.
Екі спортшы жансақтау бөлімінде жатыр. Споршылармен бірге келе жатқан жылқылардың барлығы өлген.
