Фото: checkroi.ru
Қаржы министрі Мәди Тәкиев салық органдарынан миллиардтаған кірісін жасыратын блогерлер туралы айтты, деп хабарлайды Qazaq Today ақпарат агенттігі.
Оның айтуынша, қаржы министрлігі 20 мыңнан астам жазылушысы бар 745 блогердің табысы мен шығысын тексерген.
«162 блогердің кірісі мен шығысы арасындағы айырмашылық 1,1 млрд теңгені құрады», — деп атап өтті Тәкиев «АФМ Online 2024» пікірталас алаңында.
Осыған байланысты шенеунік жиынға қатысушыларды көлеңкелі экономикаға қарсы белсенді күрес жүргізуге шақырды.
Естеріңізге сала кетейік, былтыр қабылданған заң бойынша, блогерлер тапқан табысынан салық төлеуге міндетті.
