Қуат Хамитов тасқын судан зардап шеккен халыққа гуманитарлық көмек жіберді

Фото: Видеодан алынған кадр

Қазақстандық ММА шебері Қуат (Найман) Хамитов (24-8-1)  Атырау облысында тасқын судан зардап шеккен халыққа гуманитарлық көмек жіберіп, қол ұшын созды, деп хабарлайды Qazaq Today ақпарат агенттігі.

Бұл туралы танымал жекпе-жек шебері өзінің Instagram-парақшасында мәлімдеді.

«Алланың разылығы үшін, өзімнің атымнан Атырау облысында су тасқынынан зардап шеккен тұрғындарға гуманитарлық көмек жібердім. Қай елде болмасам да, халқыммен әр дайым біргемін», — деп жазды спортшы.

Ол өзінің видео үндеуінде егер елде болса тасқын судан зардап шегіп жатқан өңірлерге барып, қызмет етуге дайын екенін де атап өтті.

«Елде болсам, Құлсарыға барып қызмет етуге болатын еді. Өкінішке қарай, қазір шетелде дайындықта жүрмін. Сондықтан аз болса да халқыма, еліме пайдам тисін деп өз атымнан гуманитарлық көмек жіберіп жатырмын», — деді Қ.Хамитов.