Алматыда хостелден шыққан өрттен қайтыс болғандардың арасында шетелдің азаматтары да болған, деп хабарлайды Qazaq.today агенттігі.
Қайтыс болған 13 адамның көбі қазақстандықтар.
«Пәкістан және басқа елдердің азаматтары жатақханада тұратындардың арасында болғандығына назар аударуды сұраймыз. Қайтыс болғандардың жеке басына қатысты ақпарат анықталғаннан кейін беріледі. Ақпарат түсуіне қарай толықтырылады», — делінген хабарламада.
Оқиға орнына Алматы қаласының әкімі де келді.
«Көбісі Қазақстан елінің азаматтары. Қаза тапқан 13 адамның 10 адамның кім екені анықталды: оның сегізі Қазақстан, біреуі Ресей, біреуі Өзбекстан азаматы. Тағы үшеуінің жеке басы анықталып жатыр. Зардап шеккендердің бірі Пәкістаннан келген медицина университетінің студент екені анық», — деді Досаев.
