Талдықорған қаласы полициясының бастығы Марат Күштібаев екі айға қамалды. Бұл туралы Талдықорған қаласының мамандандырылған тергеу соты хабарлады.
Марат Күштібаев 27 жастағы тұрғынды кабинетінде зорлады деген күдікке ілінген.
«Зорлау» бабы бойынша сараптама тағайындалды. Аты-шулы іс ішкі істер министрінің тікелей бақылауында.
Күдікке ілінген полиция генералы Марат Күштібаев 2022 жылдан бері Талдықорған қалалық полиция басқармасының басшысы қызметін атқарып келді.
Ол Талғар ауданында, Іле ауданында және облыстық әкімшілік полиция қызметіндегі лауазымды орында ұзақ жыл жұмыс істеген. 2019 жылы Алматы облысының жергілікті полиция қызметінің басшысы болып тағайындалған. Одан кейін Марат Күштібаев Жетісу облысының орталығының бас полицейі болып қызмет атқара бастаған.
Qazaq.today
