Жетісу облысында 8 ауылдық округтің әкімі жауапкершілікке тартылды.Кербұлақ ауданының ауылдық әкімдері тіркеулер мен статистикалық деректерді бұрмалаған. Олар жердің тапшылығын жасанды түрде тудырған, деп хабарлайды Qazaq.today.
«8 ауылдық округтің әкімі әкімшілік жауапкершілікке тартылды (ӘҚБтК 499-бабының 1-бөлігі). Олар статистикалық есептерде жеке сектордағы шаруа қожалықтарының мал санын жасанды түрде арттырған. Нәтижесінде 75 мың гектарға жайылымдық жерлерге деген қажеттіліктің нақты көрінісі бұрмаланған», — деп хабарлады облыстық прокуратураның баспасөз қызметі.
Прокурорлық қадағалау актісін қарау шегінде аудан әкімдігі жайылымдарды басқару жөніндегі бұрын бекітілген Жоспарды қайта қарау бойынша жұмысын бастады.
фото: ашық дереккөзден
Qazaq.today
