Париж Олимпаидасының чемпионы Елдос Сметов өзінің басынан өткен оқиғаны айтып, өзге адамды өзінен жоғары санамау керектігін ескертті, деп хабарлайды Qazaq.today.
Айтуынша, 2014 жылы Азия ойындары кезінде бір іске бармақ болған. Алайда намысы жібермеген соң ол ойынан кейінірек айнып қалған.
«Сол кезде ақтық айқасқа жолдама алдым. Ақтық айқаста екі ай бұрын ғана ересектер арасында Әлем чемпионы болған моңғол балуаны қарсыласым болды. Менің жасым сол кезде 21-де. Сол кезде біздің Қазақстанымыздың гонорары 40 мың доллар шамасында деп айтып жүретін. Енді моңғол балуанын танимыз, достармыз. Одан мен «қазір Азиян чемпионы болып оралсаң саған еліңе келгенде не береді?» деп сұрадым. Ол, 5 мың доллар береді, — деді. Сол кезде «Мен саған сол 5 мың долларды берейін, сен маған бірінші орынды бере салсай, болмаса 10 мың долларды бере салайын» деген ойлар кетті. Іштей өз өзіммен сөйлесіп жатырмын», — деді Елдос Сметов.
Алайда ол ойынан кейін айнып қалған. Бірақ бәрібір сол ақтық айқаста моңғол балуанын жығып, жеңімпаз болып оралған.
«Бірақ олай айтуға намысым жібермеді шыны керек. Бұрылдымда кетіп қалдым. Барып айнаға қарадым да, өз өзіммен сөйлестім. «Ол әлем чемпионы болса, сенде әлем чемпионы боласың. Ол чемпион болып тұрып, оны ақшамен сатып алып ешқашан мықты болмайсың, сен өзіңді дәлелде, сен қазақсың» деп өз өзімді жігерлендіріп, бүкіл қазақтың мені күтіп отырғанын білдім. Сол моңғол балуанымен шықтым, бұйыртты, ол адамды жеңдім. Сол кезде түсіндім, тер төгесің, қаныңды төгесің, жарақаттар аласың, соншама жарақаттармен жүріп дайындаласың. Сондай еңбектеніп жүріп, алдыңнан бір мықты балуан, танымал спортшы кездессе одан қорқып, алдын ала сескеніп, ұтылып қалатыныңды мойындау өзі өзіңді сыйламау деп түсіндім. Осы мақсатта мен ешімнен ешқашан қорыққан емеспін. Қарсыластарым мынау мықты, мынау әлсіз, мынау орташа деп дайындалмаймын. Бәріне бірдей дайындалам. Сондықтан адам өзін өзгеден төмен санамау керек», — деді ол Алматыда жас кәсіпкерлерлермен өткен кездесуде.
Айтуынша, өзіне Жақсылық Үшкемпіров батасын берген. Тіптен оның ас ішкен қасығымен ырымдап тамақ ішкен.
«Жақсылық ағамыздың көпгене әңгімелерін тыңдадым, ақыл-кеңестерін айтты. Өзінің ішкен қасығымен тамақ ішкізіп, «Олимпиада чемпионы болу саған жұғысты болсын» деп батасын берді. Олимпиада чемпионы болу деген арманның жетегінде жүре бердік. Түбінде алтын алам, қайтпаймын деген секілді», — деді Елдос Сметов.
